ऊस
सुरू उसाची लागवड होऊन १२ ते १६ आठवडे झाले असल्यास व वाढीच्या अवस्थेतील ऊस पिकाला नत्र खताचा हप्ता २५ किलो (५४ किलो युरिया) या प्रमाणात द्यावा. ८ ते १० दिवसांच्या अंतराने गरजेप्रमाणे पाण्याच्या पाळ्या द्याव्यात. उसाच्या सरीमध्ये हेक्टरी ५ टन पाचटाचे आच्छादन टाकावे. त्यामुळे बाष्पीभवनाचा वेग कमी होऊन ओल जास्त काळ टिकून राहते व सेंद्रिय खतांचा पुरवठासुद्धा होतो.
पूर्व हंगामी उसाला चार ते साडेचार महिने झाले असल्यास प्रतिहेक्टर १३६ किलो नत्र (२९५ किलो युरिया), ८५ किलो स्फूरद (५३१ किलो सिंगल सुपर फॉस्फेट) व ८५ किलो पालाश (१४२ किलो म्युरेट ऑफ पोटॅश) देऊन मोठी बांधणी करावी. …