आज नववर्षारंभ अर्थात गुढीपाडवा… मृतवत बनलेल्या समाजाला प्राणवाण बनविणार्या शालिवाहन राजाची आठवण करण्याचा आजचा दिवस… असत्यावर सत्याचा, विकारावर विचारांचा अन दृष्टप्रवृत्तीवर सद्वृत्तीच्या विजयाचे प्रतीक म्हणून आज विजयाची गुढी उभारण्यात येते. दुष्काळासारख्या संकटाचा सामना शेतकरी विजयीवृत्तीने करतो आहे.

दुष्काळी परिस्थितीमुळे आगामी काही महीने शेतकर्यांसाठी तसे कठिणच आहे… शेतकरी जीवनात संघर्ष तसा नवा नाही. येणारा प्रत्येक दिवस शेतकर्यांसाठी चॅलेंगजींग असतो. सगळी आव्हाने झेलत शेतकरी आज वाटचाल करत आहे… जीवनात काही गोड, काही कटू असे प्रसंग येतातच. खरे तर गोडकटू प्रसंगाचे मिळूनच जीवन हे रसायन तयार होते. यामुळेच गुढीपाडव्याच्या उत्सवात साखर आणि कडुनिंबाचा प्रसाद सेवन करण्याची प्रथा आहे.

दुष्काळी परिस्थिती असताना देखील पाण्याचा थेंब न थेंब वाचवून काही शेतकर्यांनी टंचाईवर मात केली आहे. दुष्काळाशी लढा देण्यासाठी कोणाच्याही मदतीची वाट न बघता शेतकरी झुंज देतो आहे. आजच्या या शुभदिनी या विजयीवृत्तीच्या शेतकर्यांना शुभेच्छा…