मूळ प्रश्‍नाला बगल देऊन कोणत्याही मुद्द्याचे पक्षीय राजकारण कसे करता येईल, याकडेच देशातील राजकीय नेते व माध्यमे कसे लक्ष देतात व विचका करतात याचे उदाहरण सिंचन घोटाळ्याच्या निमित्ताने उघड झालेय. सिंचन खाते वा जलसंपदा खाते हे शेतकर्‍यांच्या जीवनाशी निगडीत असल्यानेच सध्याच्या घडामोडीवर भाष्य करणे गरजेचे आहे. उपमुख्यमंत्री अजितदादा पवार यांच्या राजीनाम्यामुळे सिंचन घोटाळ्याचा प्रश्‍न आता राज्य सरकार गडगडण्यावर आणि राष्ट्रवादी पक्षाच्या दुफळीपर्यंत किंवा मुख्यमंत्री पृथ्वीराज चव्हाण यांना बदलण्यापर्यंत मर्यादित झालाय.

…

शेतकर्‍याला, कास्तकाराला वा किसानाला कधी जमावे, कळावे अर्थशास्त्र? असे आजही जरा उपहासाने विचारले जातेच; पण ही सारी मंडळी भ्रमात आहेत. झापडे बांधून आहेत. पूर्वीपासूनच विज्ञान-तंत्रज्ञान आणि अर्थशास्त्राला काही जणांनी मुठीतच ठेवले होते. त्यामुळे शेतकर्‍याला अर्थसंकल्पाशी देणेघेणे नाही, त्याला ते कळत नाही, त्याच्या समजण्यापलीकडे या गोष्टी आहेत, असा समज पद्धतशीरपणे सर्वांनीच करून दिला होता. त्यात माध्यमे सर्वांत पुढे नेहमीप्रमाणेच होती व आहेत. त्यामुळे देशाचे, राज्याचे बजेट म्हटले की, शेतकरीही दूर दूर आणि तज्ज्ञसुद्धा वजा-बाक्या, चलनवाढ, आयकर उत्पन्नाच्या तरतुदीचे गणिते मांडण्यातच अडकलेेले दिसतात. …