वाईनच्या बाबतीत नाशिकचा ब्रॅड विकसित होण्याची गरज आहे. विंचूर च्या औद्योगिक परिसरामध्ये लवकरच वाईन पार्कची निर्मिती करण्यात येणार आहे. त्यामुळे शेतकऱ्यांनी वाईन निर्मिती आणि त्या साठी लागणाऱ्या द्राक्ष निर्मिती कडे वळावे अस आवाहन पर्यटन मंत्री तथा नाशिकचे पालक मंत्री छगनराव भुजबळ यांनी केले. नाशिक येथे आयोजित दोन दिवसीय आंतरराष्ट्रीय वाईन फेस्टीव्हल च्या उद्घाटनप्रसंगी ते बोलत होते.

सध्या ठिकाणी ९ वाईनची प्रकल्प सुरु आहेत. शासन स्तरावरून रखडलेल्या कामांना लवकरच गती मिळणार आहे. भविष्यात शेतकऱ्यांना वाईनच्या द्राक्ष निर्मीतीतूनच मोठ्या प्रमाणावर आर्थिक लाभ होणार आहे भुजबळ पुढे म्हणाले की वाईन म्हणजे एक आरोग्य दाई पेय आहे. अती पिल्याने तिचे मद्यात रुपांतर होते. या वेळी खासदार समीर भुजबळ अखिल भारतीय द्राक्ष प्रक्रिया मंडळाचे अध्यक्ष जगदीश होळकर, शिवाजी आहेर, राजेश जाधव आदी उपास्तित होते.