द्राक्ष आणि डाळिंब यासारखी बागायती पिके शेतकरी जीवापाड कष्ट घेऊन पिकवतात; पण अनेकदा मार्केटचा प्रश्‍न येतो. बाजारभाव पाहिजे तसे मिळत नाहीत म्हणूनच शेतकर्‍यांना या पिकांच्या बाजारपेठेची स्थिती कळावी आणि त्यातून त्यांना शेतमाल विक्रीच्या निर्णयासाठी योग्य दिशा मिळावी, या उद्देशाने ही लेखमाला सुरू करत आहोत.

महाराष्ट्राच्या गोड द्राक्षाला यंदाच्या हंगामात बाजारपेठेत शिरकाव करताना चांगलीच दमछाक करावी लागणार आहे. उत्तर भारतात सध्या हैदोस घालणारी थंडी द्राक्षाचे बाजारभाव रोखून धरतेय. आतापर्यंत ११ जणांचे बळी घेणारी ही थंडी उत्तरेतील बहूतेक राज्यांतील फळांच्या बाजारपेठेत शत्रूच्या भिंतीसारखी उभी आहे. त्यामुळे व्यापारी आणि शेतकरी दोघांनाही थंडीचा मागोवा घेत सावध पावले टाकावी लागतील. …