राज्यात मोठ्या प्रमाणावर फळबाग लागवड करण्यात आलेली आहे. यावर्षी कमी पर्जन्यमानामुळे दुष्काळी परिस्थिती निर्माण झाली आहे. कमी-अधिक प्रमाणात सगळीकडे पाणीटंचाई जाणवू लागली आहे. अशा परिस्थितीमध्ये फळबागा वाचविण्यासाठी काय उपाययोजना करता येतील, याचा प्रामुख्याने विचार करणे गरजेचे आहे. अवर्षण काळात शेतातील उभी पिके वाचविणे हा एक भाग आणि उत्पादन घेणे हा दुसरा भाग महत्त्वाचा असतो. वाढलेली उष्णता व घटलेली आर्द्रता यांमुळे पिकांची वाढ खुंटते. परिणामी उत्पादन व गुणवत्ता कमी होते. प्रतिकूल परिस्थितीत मार्ग काढण्यासाठी वा फळबागा जगविण्यासाठी खालील उपलब्ध तंत्रज्ञानाचा वापर शेतकरी बांधवांनी करणे महत्त्वाचे ठरेल. …