महाराष्ट्र पशुधन विकास मंडळ, अकोला अंतर्गत मायरा (महाराष्ट्र पशुधन ओळख व नोंदणी प्राधिकरण) हे शासनाने स्वतंत्र प्राधिकरण स्थापन केले असून त्याचे लोकार्पण आज (२० डिसेंबर २०१२) दुपारी पशुसंवर्धन मंत्री मधुकरराव चव्हाण यांचेहस्ते होणार आहे. यावेळी कृषी राज्यमंत्री गुलाबराव देवकर, पशुसंवर्धन सचिव अनिल डिग्गीकर, पशुसंवर्धन आयुक्त एकनाथ डवले, कुलगुरू आदित्यकुमार मिश्रा आदी मान्यवर उपस्थित राहणार आहेत.
मायरा अंतर्गत पशुधन नोंदणी पद्धती विकसित करण्यात येणार असून त्याचे प्रशिक्षण देणे, पैदासीकरिता वापरण्यात येणार्‍या वळुंची नोंदणी करून त्यांना क्रमांक देण्यात येणार आहे. खडकी, पुणे येथे या उपक्रमाचे मुख्यालय राहणार आहे.

- अश्‍विन सवालाखे